Улады працягнулі бязвіз для жыхароў Літвы, Латвіі і Польшчы
Бязвізавы ўезд для жыхароў Літвы, Латвіі і Польшчы падоўжаны на 2024 год, паведамляюць дзяржаўныя СМІ.
Бязвіз для грамадзян Літвы і Латвіі ўвялі летась 15 красавіка, для грамадзян Польшчы — 1 ліпеня таго ж года.
З пачатку 2023 года каля 405 тысяч жыхароў ЕС наведалі Беларусь без віз, сцвярджае Памежны камітэт. Гэта 242 тысячы грамадзян Літвы, 93 тысячы грамадзян і 28 тысяч неграмадзян Латвіі, а таксама 41 тысяча грамадзян Польшчы.