Мінабароны РФ пацвердзіла пашкоджанні карабля «Новачаркаск» у порце Феадосіі
Здарылася гэта «ў выніку адбіцця атакі УСУ».
Мінабароны РФ пацвердзіла пашкоджанні на ВДК «Новачаркаск» у порце Феадосіі, заявіўшы, што здарылася гэта «ў выніку адбіцця атакі УСУ».
Кіраўнік анексаванага Крыма Сяргей Аксёнаў заявіў, што ў выніку начнога нападу на порт Феадосіі загінуў адзін чалавек.
«Загінуў адзін чалавек, двое параненыя. Пашкоджанні атрымалі шэсць будынкаў — у асноўным, выбітыя вокны. Шэсць чалавек эвакуіраваны ў пункты часовага размяшчэння, астатнія жыхары размясціліся ў родных і знаёмых. Транспартная інфраструктура працуе ў штатным рэжыме, абмежаванняў па пасажырскіх перавозках няма», — гаворыцца ў яго заяве ў тэлеграме.