Выкладчык мінскага ўніверсітэта папаўся на хабары. Грошы яму пераводзілі на картку
Тое, што выкладчык бярэ грошы за паспяховую здачу іспытаў, стала вядома падчас анкетавання студэнтаў.
Фота: Генеральная пракуратура
Рэктар напісаў у пракуратуру Савецкага раёна, там стварылі спецыяльную камісію.
Высветлілася, што выкладчык змушаў студэнтаў перадаваць яму праз старасту групы грошы ці алкаголь за допуск да іспыту і яго паспяховую здачу.
Частка студэнтаў пагадзілася, пасля чаго перавяла на рахунак выкладчыка грошы, а таксама перадала дарагі алкаголь.
Пракурор кваліфікаваў супрацьпраўныя дзеянні выкладчыка па ч. 2 арт. 430 Крымінальнага кодэкса (санкцыя артыкула прадугледжвае да 10 гадоў калоніі).
Таксама паведамляецца, што будзе дадзена прававая ацэнка дзеянням студэнтаў, якія давалі хабар выкладчыку.