У Мёрах за «экстрэмізм» аштрафавалі дырэктара мясцовай ЖКГ
Суддзя суда Мёрскага раёна Ірына Яскевіч 5 снежня за распаўсюд «экстрэмізму» ў сацыяльнай сетцы пастанавіла пакараць штрафам у памеры 925 рублёў дырэктара мясцовай ЖКГ Ігара Войтава, даведалася «Віцебская вясна».
Раней мужчына цягам 22 гадоў узначальваў Мёрскае аддзяленне Дэпартамента аховы МУС РБ, за што мае медаль «За бездакорную службу» трэцяй ступені.
У судовай пастанове запісана, што Ігар Войтаў у сацыяльнай сетцы «Аднакласнікі» захоўваў відэаролікі «Белсата».
На судовым пасяджэнні Войтаў не прысутнічаў, аднак паводле даных, якія паступілі з мясцовага аддзялення міліцыі, ён пацвердзіў дачыненне да здзейсненага «правапарушэння» і прызнаў віну.
Чытайце таксама:
Па вяртанні з-за мяжы затрымалі берасцейца, які прыехаў у Беларусь на святы
Сілавікі затрымалі беларуса, але не змаглі запісаць з ім пакаяннае відэа
У Полацку і Наваполацку затрымалі 30 чалавек, звязаных з мясцовымі велачатамі