Хітрая пляменніца ў Бабруйску дапамагала цётцы паставіць інтэрнет-банкінг. У жанчыны спісалася 2000 рублёў
У міліцыю звярнулася 48-гадовая жанчына, якая расказала, што з яе банкаўскай карты знікла буйная сума грошай.
Міліцыянты высветлілі, што крадзеж здзейсніла пляменніца. Улетку жанчына прыехала ў Бабруйск для афармлення карты, пасля чаго папрасіла сваячку падключыць ёй інтэрнет-банкінг, паведамляе абласная міліцыя.
Дзяўчына нібыта паспрабавала гэта зрабіць, але насамрэч ўсталявала яго на свой уласны гаджэт, адказаўшы цётцы, што ў яе не атрымалася.
Неўзабаве яна пачала пераводзіць сабе на карту чужыя грошы, аплачваючы пакупкі ў інтэрнэт-крамах, а таксама на ўласныя патрэбы.
Праз нейкі час жанчына выявіла знікненне 2275 рублёў. Заведзена крымінальная справа.
Чытайце таксама:
Махляры прыдумалі новую форму падману. Яны нажываюцца на фанатах серыяла «Слова пацана»