Губернатар Белгарадскай вобласці анансаваў магчымасць эвакуацыі з горада
Для эвакуацыі з Белгарада трэба пакінуць заяўку ў адміністрацыі вобласці, горада ці па тэлефоне.
Фота: Russia Emergency Situations Ministry telegram channel via AP, File
Губернатар Белгарадскай вобласці анансаваў магчымасць эвакуацыі з Белгарада. Гэтую заяву Вячаслаў Гладкоў зрабіў у сваім тэлеграм-канале, паведамляе «Дождь».
«Бачу некалькі зваротаў у сацыяльных сетках, дзе пішуць: «Нам страшна, дапамажыце нам выехаць у бяспечнае месца». Канечне, дапаможам! Ужо некалькі сем'яў перавезлі», — напісаў Гладкоў.
Для эвакуацыі з Белгарада трэба пакінуць заяўку ў адміністрацыі вобласці, горада ці па тэлефоне. Перавозіць гараджан плануюць у Стары Аскол або Губкін.
Абстрэлы Белгарада працягваюцца з 30 снежня. Тады падчас найбуйнейшага ракетнага ўдару з боку Украіны загінулі 25 чалавек, больш за сотню былі параненыя.