Дзяржкаммаёмасць судзіцца з юрасобай былога «Макдональдса»

Вярхоўны суд разглядае касацыйную скаргу на пастанову Эканамічнага суда Мінска паводле пазову да юрыдычнай асобы былога беларускага адгалінавання сеткі «Макдональдса», піша «Спутнік».

Восенню мінулага года Дзяржкаммаёмасць падала пазоў да «КСБ Вікторыі рэстараны». Менавіта гэтая кампанія кіравала ў Беларусі ўстановамі «Макдональдс».

Пазоў разглядаўся ў Эканамічным судзе Мінска.

Рашэнне па ім было прынята 10 кастрычніка 2023 года. У банку судовых рашэнняў ёсць толькі нумар гэтай справы, а тэкставы файл, дзе павінна быць рэзалютыўная частка (скарочаны варыянт рашэння), змяшчае толькі тры кропкі.

Як растлумачылі ў Эканамічным судзе Мінска, рашэнне не апублікавана, бо суд ішоў у закрытым рэжыме. Касацыя па справе таксама слухаецца ў Вярхоўным судзе ў закрытым рэжыме.

Раней паведамлялася, што ўладальнікам «КСБ Вікторыі» быў казахстанскі бізнесмен Кайрат Баранбаеў. Пасля таго, як праект сышоў з расійскага рынку, установы Баранбаева і іншыя кафэ гэтай міжнароднай сеткі ў Расіі быў прададзеныя прадпрымальніку Аляксандру Говару з Новакузнецка (Заходняя Сібір). Пасля гэтага ў Расіі былая сетка Mcdonald's пачала працаваць пад шыльдай «Вкусно — і точка».

Гэты брэнд паводле дамовы франшызы павінен быў перайсці і да былых «макаўскіх» устаноў у Беларусі, але ўгода не адбылася. Установы сталі працаваць пад уласным беларускім брэндам Mak.by.

Чытайце таксама:

Цікавая замена: у цэнтры Мінска на месцы, дзе быў раней Mcdonald's, адкрываецца KFC

Выйшаў на волю былы ўладальнік «Макдональдса» ў Беларусі

Mak.bу перайшоў на новую ўпакоўку

Каментары да артыкула