У Аўстраліі ў наркагандляра канфіскавалі 74 дарагія наборы Lego
Але галоўны ўлоў — гэта хімікаты на суму больш за 2 мільёны даляраў, што канфіскавалі паліцэйскія Мельбурна. Рэчывы могуць быць перапрацаваныя ў наркотыкі.
Фота: паліцыя штата Вікторыя
Амаль 70 кілаграмаў маглі быць выкарыстаны для вытворчасці метыламфетаміну (больш вядомага як спід, крэнк, метамфетамін) і наркотыку пад назвай бутандыёл (вадкі экстазі). Апошні выкарыстоўваецца ў прамысловасці як растваральнік фарбаў або пластыфікатар, піша Bild са спасылкай на паліцыю штата Вікторыя.
Акрамя таго, былі канфіскаваны дарагія наборы Lego: такія нярэдка становяцца аб'ектам крадзяжу, гавораць у паліцыі.
Разам з канструктарам і хімікатамі канфіскаваны пяць раскошных наручных гадзіннікаў, пісталеты, дубінкі і боепрыпасы.
Мужчыну абвінавачваюць у дзесяці злачынствах.
Чытайце таксама:
Ikea паскорыла зборку мэблі ўдвая дзякуючы сістэме Lego
Што зрабіць, калі ў цябе лега-рука? Вядома, лега-кубачак да яе!