У Санкт-Пецярбургу зноў згарэў аўтобус МАЗ
Беларускі аўтобус згарэў раніцай 22 студзеня на праспекце Касманаўтаў. 15 чалавек паспелі выйсці, піша «Фантанка».
Фота: чытач «Фантанкі»
У кампаніі «Домтрансаўта», якой належыць аўтобус, «Фантанцы» патлумачылі, што ўзгаранне пачалося ў пярэдняй частцы аўтобуса, прычына здарэння высвятляецца.
Паведамленні аб узгараннях аўтобусаў МАЗ паступаюць з Расіі рэгулярна. Асабліва шмат такіх выпадкаў у Санкт-Пецярбургу. У 2023 годзе ў горадзе нават часова прыпынялі эксплуатацыю аўтобусаў МАЗ.
Фота: чытач «Фантанкі»
Тлумачыць здарэнні прыходзілася і Лукашэнку. Ён казаў, што вінаватая ў пажарах аўтобусаў «жудасная канкурэнцыя», а таксама непрафесіяналізм працаўнікоў расійскіх аўтапаркаў: «Нейкая прыватная кампанія, людзі, якія ніколі не бачылі аўтобусаў, узялі на сябе абслугоўванне», — гаварыў ён.