У Полацку затрымалі маці жанчыны, якая правяла антываенную акцыю на школьнай лінейцы
«Віцебскай вясне» стала вядома, што 23 студзеня ў Полацку была затрыманая Людміла Воўк — маці Ганны Тукавай, якая 1 верасня 2022 года падчас лінейкі ў наваполацкай гімназіі № 1 зладзіла антываенную акцыю.
Тады Ганну Тукаву тройчы аштрафавалі — агулам яна павінна была заплаціць дзяржаве 7 тысяч 360 рублёў.
Прычына затрымання Людмілы Воўк і яе далейшы лёс пакуль невядомыя.
Паводле праваабарончага цэнтра «Вясна», агулам за 23-24 студзеня пад пераслед трапілі сама меней 164 чалавекі.
Чытайце таксама:
Што за мінскі бяздомны з трусікам стаў зоркай тыктоку? Аказваецца, гэта былы палітвязень
Супраць экс-палітзняволенай завочна завялі крыміналку за інтэрв'ю