На працоўным месцы нечакана памёр начальнік міліцыі ў Оршы
Начальнік упраўлення ўнутраных спраў Аршанскага райвыканкама Сяргей Барвянкоў памёр 4 лютага. Як паведамляе orsha.eu, ён прыйшоў на працу і ўжо там у яго прыхапіла сэрца.
Сяргей Барвянкоў. Фота: Віцебскі гарадскі партал
Інфармацыю пра смерць міліцэйскага начальніка пацвердзілі «Люстэрку» ў РАУСе. Але прычыну смерці не назвалі.
Сяргей Барвянкоў усё жыццё прапрацаваў у міліцыі. Пачынаў з участковага, потым некаторы час узначальваў Талачынскую міліцыю. А некалькі гадоў таму перайшоў у Оршу. Менавіта пад яго кіраўніцтвам у Оршы адбываліся палітычныя рэпрэсіі ў 2020-м і наступных гадах. Быў дэпутатам райсавета.
@nashaniva На працоўным месцы памёр начальнік міліцыі Оршы #милициябеларуси #беларусь #новостибеларусь #беларусьновости #орша #витебск #витебскаяобласть ♬ Drums of War (Combat) - Gabriel Lefkowitz
Чытайце таксама:
Што стала з былымі міністрамі ўнутраных спраў
Мы ідэнтыфікавалі аднаго з губазікаўцаў, які запісвае відэа з затрыманымі. Што пра яго вядома?
Завялі крымінальную справу за абразу памерлага міліцэйскага начальніка са Шчучына
У Шчучыне памёр начальнік міліцыі грамадскай бяспекі, сваяк міністра Маркевіча