Проста ў цэнтры Новалукомля знайшлі авіяцыйную бомбу
Буйную бомбу часоў Другой сусветнай вайны знайшлі проста ў цэнтры Новалукомля, паведамляе УУС Віцебскага аблвыканкама. Гэта здарылася непадалёк ад праваслаўнай царквы пры правядзенні земляных работ.
Рабочыя хутка зразумелі, што выкапалі бомбу і выклікалі міліцыю, якая ачапіла раён з небяспечнай знаходкай.
Пазней на месца прыбылі сапёры. Ім трэба будзе вывезці авіяцыйны снарад, які праляжаў у зямлі больш за 80 гадоў, за межы горада і знішчыць.
Чытайце таксама:
Мужчына пад Віцебскам пілаваў снарад часоў вайны. Той выбухнуў
Каля адной з вёсак у Драгічынскім раёне знайшлі бомбы
Грыбнік у Столінскім раёне знайшоў у лесе авіяцыйную бомбу часоў Другой сусветнай вайны