«У гэты важны для краіны дзень галасуюць не толькі людзі, але і насякомыя». Да выбарчай кампаніі ў Расіі далучыўся мастак
Ляскоўскі Ляўша XIX стагоддзя рабіў мініяцюрныя падковы для блох, а ягоныя сучасныя нашчадкі пераключыліся на выбарчыя бюлетэні.
Скрыншот з відэа
«Спецыяльна для гэтага мініяцюрнага коніка мастак-мікрамініяцюрыст Анатоль Каненка стварыў бюлетэнь памерам усяго ў 5 міліметраў, а яшчэ — шкляную урну. На ёй на найтанчэйшай пласціне з біўня маманта гравіроўка герба Расійскай Федэрацыі», — паведамляецца ў рэпартажы тэлеканала «Расія». Пры гэтым усё паказваецца наглядна.
Славутая аповесць «Ляўша» Мікалая Ляскова, напісаная ў 1881 годзе — сатырычная, у ёй аўтар іранізуе над уласцівым расейцам «квасны патрыятызм». Ці можна тое ж самае сказаць пра творчасць мастака Каненкі — пытанне складанае.
Чытайце таксама:
На выбарах прэзідэнта Расіі ўжо прагаласавала больш за траціну выбаршчыкаў
У Расіі пачаліся выбары прэзідэнта. Вось што трэба пра іх ведаць
Як пройдуць прэзідэнцкія выбары? Журналісты даведаліся версію Крамля