Стала вядома, колькі жыхароў краіны лічаць, што Беларусь не павінна быць незалежнай дзяржавай

Новае даследаванне Chatham House прадэманстравала, што за 15 гадоў прыхільнікаў незалежнасці Беларусі стала больш.

Беларусам было прапанавана выказаць сваё стаўленне да сцвярджэнняў, якія тычацца знешнепалітычных арыенціраў краіны.

Тры чалавекі з чатырох (77%) пагадзіліся з тым, што Беларусь павінна быць незалежнай. Яшчэ 18% не маюць уцямнага адказу. І толькі 5% не згодныя з тэзісам пра незалежнасць дзяржавы.

За нейтралітэт, а таксама за сяброўства як з Расіяй, так і з Украінай выказаліся па 58%.

Членства краіны ў Еўрапейскім Саюзе падтрымаў кожны чацвёрты (25%). Такая ж колькасць прыхільнікаў агульнай з Расіяй саюзнай дзяржавы.

Крыніца: Chatham House

У даследаванні адзначаецца, што атрыманыя вынікі не вельмі адрозніваюцца ад вынікаў апытання, праведзенага ў 2009 годзе.

Нягледзячы на ўзмацненне сувязей з Расіяй за 15 гадоў у Беларусі стала нават больш прыхільнікаў незалежнасці.

Праўда, зменшылася і колькасць тых, хто выказваецца супраць саюзнай дзяржавы з Расіяй.

Чытайце яшчэ:

Каго падтрымліваюць беларусы ў палесціна-ізраільскім канфлікце? — вынікі апытання

Новае апытанне паказала, колькі беларусаў падтрымлівае вайну і размяшчэнне ядзернай зброі

Што Беларусі выгадней эканамічна — імкнуцца ў ЕС або заставацца ў саюзе з Расіяй?

Каментары да артыкула