Касмічны карабель з беларускай на борце састыкаваўся з арбітальнай станцыяй
Расійскі касмічны карабель «Саюз МС-25» правёў у панядзелак паспяховую стыкоўку з Міжнароднай касмічнай станцыяй.
Скрыншот з відэа
На борце гэтага касмічнага карабля знаходзілася першая ў гісторыі суверэннай Беларусі касманаўтка Марына Васілеўская.
Камандзір экіпажа «Саюза» — расійскі касманаўт, ураджэнец Беларусі Алег Навіцкі, а бортінжынерка на ім — амерыканская астранаўтка Трэйсі Колдвел-Дайсан.
@nashanivanews Як вам начос беларускай касманаўткі Марыны Васілеўскай на МКС? #мкс #космос #беларусь #лукашенко #александрлукашенко #беларусьновости #новостибеларусь #беларусьнавіны #космонавты ♬ Sudno - slowed & fixed - LLXVD
Ракета з караблём стартавала з Байканура 23 сакавіка ў 15:36 па мінскім часе. Першая спроба паляцець за два дні да таго была ў апошні момант спыненая і перанесеная з-за тэхнічных прычын.
Плануецца, што Васілеўская і Навіцкі прабудуць на МКС 12 сутак. Яны вернуцца з арбіты на караблі «Саюз МС-24» разам з Лорэл Эшлі О'Хара (ЗША), а Колдвел-Дайсан застанецца працаваць на станцыі да верасня.
Чытайце таксама:
Лукашэнка хоча стварыць сваю Церашкову
Якія праграмы даручылі выканаць у космасе першай беларускай жанчыне-касманаўту
Лукашэнка вызначыў статус беларускіх касманаўтаў. За даброты трэба плаціць лаяльнасцю