У цэнтры Мінска восем іншаземцаў выскачылі з акна чацвёртага паверха
Здарэнне адбылося ў ноч з 7 на 8 красавіка. У кватэры на чацвёртым паверсе дома на вуліцы Раманаўская Слабада сабраліся 14 маладых хлопцаў, меркавана з Індыі. У нейкі момант восем хлопцаў выскачылі з акна, даведалася «Люстэрка».
Здымак ілюстрацыйны. Фота: Wikimedia Commons
Прычыны такога ўчынку пакуль невядомыя, але ў крыніцы партала ёсць дзве версіі.
«Першая: ім нібыта нейкі пакістанец пагражаў пісталетам. Потым казалі, што, магчыма, ён быў з нажом. Міліцыю выклікалі самі гэтыя хлопцы. І потым восем чалавек скокнулі, а шасцёра засталіся — пабаяліся. Другая: раніцай ужо з'явілася інфармацыя, што быў гэта міліцэйскі рэйд. А яны без дакументаў, вось і паскакалі».
Чацвёра з тых, хто скокнуў, былі шпіталізаваныя з рознымі траўмамі, адзін з хлопцаў знаходзіцца ў цяжкім стане.
@nashaniva Дзіўная справа: 8 іншаземцаў выскачылі з акна ў цэнтры Мінска #минсксейчас #иностранцы #беларусьновости #новостибеларуси #студенты #облава #милициябеларуси #милиция #общежитие ♬ Minimal for news / news suspense(1169746) - Hiraoka Kotaro
Чытайце таксама:
«Пайшоў з заняткаў пісаць тлумачальную». Загінуў яшчэ адзін студэнт — меркавана, гэта самагубства