Беларуская касманаўтка вернецца ў краіну ў чацвер
Вяртанне Марыны Васілеўскай чакаецца ў Беларусь 11 красавіка.
Марына Васілеўская. Фота: БелТА
Вяртанне Марыны Васілеўскай чакаецца ў Беларусь 11 красавіка. Пра гэта на прэс-канферэнцыі, прымеркаванай да Сусветнага дня авіяцыі і касманаўтыкі заявіў галоўны вучоны сакратар Нацыянальнай акадэміі навук Беларусі Васіль Гурскі, піша БелТА.
Марына Васілеўская была ў космасе з 23 сакавіка па 6 красавіка, правёўшы на арбіце 14 сутак.
Цікава, што Лукашэнка падчас візіту ў Расію планаваў на 12 красавіка сустрэчу з касманаўтамі.
«12 красавіка ў Аляксандра Лукашэнкі і Уладзіміра Пуціна плануецца сумеснае мерапрыемства з нагоды Дня касманаўтыкі. Яны падвядуць вынікі місіі на МКС, дзе ўпершыню ў гісторыі працаваў экіпаж Саюзнай дзяржавы. Лукашэнка і Пуцін паразмаўляюць з касманаўтамі, абмяркуюць далейшыя перспектывы супрацоўніцтва ў касмічнай сферы», — паведамляла яго прэс-служба.
Але, магчыма, сустрэча з Васілеўскай не адбудзецца.
Чытайце таксама:
Якія праграмы даручылі выканаць у космасе першай беларускай жанчыне-касманаўту
Лукашэнка вызначыў статус беларускіх касманаўтаў. За даброты трэба плаціць лаяльнасцю
Касманаўтка Васілеўская: У палёце дапамагае падтрымка Лукашэнкі