На поўначы Польшчы ў рыбным порце знайшлі цела беларуса
У акваторыі рыбнага порта ў Ястарні на польскім Памор'і знайшлі мёртвым 36-гадовага грамадзяніна Беларусі. Дрэйфуючае цела заўважыў экіпаж, які праходзіў міма на катары. Паліцыя пачала расследаванне смерці мужчыны, піша Most.
Рыбны порт у Ястарні, дзе знайшлі загінулым беларуса. Фота: паліцыя Пуцка
Каманда катара заўважыла ў вадзе чалавека ў аўторак, 9 красавіка, недзе апоўдні.
Пра інцыдэнт аператыўна паведамілі паліцыі і ратавальнікам. У порце тэрмінова пачалі выратавальную аперацыю, але калі мужчыну дасталі з вады, то ён быў ужо мёртвы.
Смерць беларуса расследуе паліцыя польскага горада Пуцк пад наглядам пракуратуры. Следчыя высвятляюць інфармацыю пра прычыны трагедыі. На месцы, дзе знайшлі загінулага, працавалі судова-медыцынскія эксперты.
Чытайце таксама:
Пад Вільняй цягнік збіў насмерць беларуса
Адзін беларус загінуў, другі ў цяжкім стане. У Польшчы ў адным месцы сутыкнуліся аж пяць грузавікоў