Палітвязнямі прызналі 11 чалавек, у тым ліку Фёдара Шведава і настаўніцу 23-й гімназіі Дар'ю Хмяльніцкую

Яшчэ 11 чалавек прызнаныя палітычнымі вязнямі.

Дар'я Хмяльніцкая

Такі статус атрымалі Аляксандр Верасовіч, Віктар Сачкоўскі, Аляксандр Цярэшчанка, Яўген Філіповіч, Сяргей Шэлег, Канстанцін Шастоў, Сяргей Забеліч, Артур Роліч, Віталь Чопік, настаўніца 23-й гімназіі Дар’я Хмяльніцкая, гулец у «Што? Дзе? Калі) Фёдар Шведаў.

Хто гэтыя людзі і чаму праваабаронцы лічаць іх справы палітычна матываванымі

Праваабаронцы патрабуюць ад уладаў Беларусі неадкладна вызваліць усіх палітвязняў і спыніць рэпрэсіі супраць грамадзян краіны.

Зараз праваабаронцамі «Вясны» лічацца палітвязнямі 1395 чалавек, праект Dissidentby.com лічаць палітвязнямі 1566 чалавек.

@nashanivanews Пачалі судзіць настаўніцу з Мінска #беларусь #учительница #нашаніва #белорусы #бгу #филфак ♬ Crime Scene - Avery Alexander

Апошнім часам агульная іх колькасць істотна не расце, а нават часам і змяншаецца. Але гэта не таму, што рэпрэсіі ў Беларусі меншаюць, — проста паралельна з новымі выпадкамі зняволення па крымінальных справах ідзе працэс вызвалення тых асуджаных, хто цалкам адбыў свой тэрмін. Таксама суды некаторым прысуджаюць «хатнюю хімію», пасля чаго чалавек выходзіць з турэмных сцен, таму больш не лічыцца вязнем.

Варта таксама ўлічваць, што ў статыстыку ўваходзяць далёка не ўсе, хто знаходзіцца ў зняволенні з палітычных прычын, рэальная колькасць беларускіх палітвязняў нашмат большая. Пра вельмі многіх праваабаронцам проста нічога не вядома.

Каментары да артыкула