Расійскія войскі прарвалі ўкраінскі фронт на паўночны захад ад Аўдзееўкі — Bild

Украінскія абаронцы пакінулі пазіцыі па невядомай прычыне.

Карта Bild

Як паведамляе эксперт Bild па аналізе адкрытых звестак Юльян Ропке, УС РФ прасунуліся ўздоўж чыгункі на 3 км углыб украінскіх пазіцый і ўвайшлі ў пасёлак Ачарэціна.

УСУ некалькі месяцаў паспяхова трымалі абарону на гэтым напрамку (зялёная лінія на карце). Але зараз украінскія абаронцы пакінулі пазіцыі па невядомай прычыне.Пра гэта паведамляюць і расійскія, і ўкраінскія ваенкары.

Прычыны адыходу незразумелыя. Ропке адзначае, што расійскія крыніцы ўсяляк спрабуюць перабольшыць значэнне і маштабы гэтага прарыву.

У якасці падмацавання ў Ачарэціна ўжо перакінута 47-я асобная механізаваная брыгада УСУ, яна ўступіла ў бой з расійскім авангардам. Цяжкія баі завязаліся за найбліжэйшае сяло Новакалінава.

Ропке лічыць, што УС РФ хочуць узмацніць прарыў і пашырыць плацдарм вакол Ачарэціна.

Каментары да артыкула