Навукоўцы высветлілі, чаму свет уступае ў шакаладны крызіс
Як піша выданне Sciencedaily, сусветны крызіс з вытворчасцю какавы, які ў перспектыве можа выклікаць тое, што шакалад стане раскошай, выкліканы кузуркамі-шкоднікамі. Яны называюцца мучністымі чарвяцамі (таксама іх завуць «касматымі вошамі») і пераносяць небяспечны вірус, які заражае да 50% какававага ўраджаю.
Какававыя плады на дрэве. Фота: Tananuphong Kummaru / vecteezy.com
У Гане, напрыклад, гэтай кузуркай ужо было знішчана больш за 254 мільёны какава-дрэў. З-за вірусу сусветныя пастаўкі какава і, такім чынам, шакаладу знаходзяцца пад пагрозай.
Пестыцыды, якія выкарыстоўваюцца для барацьбы з чарвяцамі, аказаліся неэфектыўнымі. Існуе вакцына для дрэў, але яна занадта дарагая для мясцовых фермераў, да таго ж вакцынаваныя дрэвы даюць меншы ўраджай.
Мучністы чарвец. Фота: beztarakanov.ru
Цяпер навукоўцы працуюць над новай мадэллю пасадкі дрэў: вакцынаваныя дрэвы павінны служыць бар'ерам для невакцынаваных. Распрацаваныя дзве эксперыментальныя схемы, якія яшчэ трэба будзе праверыць у рэальных умовах.
Чытайце таксама:
Хутка шакалад стане раскошай? Какава-бабы за год падаражалі ў пяць разоў
Беларусам прапанавалі ягады з Зімбабвэ па 80 рублёў за кілаграм