Сілавікі затрымалі 23 супрацоўнікаў будаўнічага і аграпрамысловага прадпрыемства
У якім статусе і ў чым канкрэтна абвінавачваюць затрыманых, невядома.
Міліцыя затрымала за хабар 23 службовых асоб прадпрыемстваў будаўнічага і аграпрамысловага сектара эканомікі, паведамляе тэлеграм-канал «Міліцыя Мінска».
У відэа затрыманы галоўны энергетык аднаго з прадпрыемстваў распавёў, што з кастрычніка па студзень 2024 года атрымаў хабар 800 рублёў.
Іншы затрыманы, заснавальнік адной з арганізацый, паведаміў, што некаторыя кліенты прасілі бонусы «за супрацоўніцтва ў грашовым выражэнні».