Таксіст заснуў за рулём у цэнтры Мінска і ўчыніў масавае ДТЗ ВІДЭА
Аварыя адбылася ноччу аўторка на Партызанскім праспекце.
Як паведаміла Мінская ДАІ, 38-гадовы кіроўца таксі Chevrolet раптам пратараніў Geely, якая ехала ў спадарожным напрамку, пасля чаго аўто сутыкнулася з Mazda.
У выніку таксі выкінула за межы праезнай часткі, дзе машына ўрэзалася ў падземны пераход.
У аварыі пацярпеў пасажыр таксі, яго адвезлі ў бальніцу для абследвання.
Па словах таксіста, ён заснуў за рулём.