Каталіцкага святара з Шуміліна не выпусцілі пасля 10 сутак, судзілі паўторна

Айцец Павел Лемех, які служыць у каталіцкім санктуарыі ў Шуміліне і быў асуджаны на 10 сутак арышту, не выйшаў на волю па заканчэнні гэтага тэрміну, а 21 траўня яго судзілі паўторна па новым абвінавачванні. Сутнасць абвінавачванняў па-ранейшаму невядомая — ні вернікам, ні духавенству нічога не кажуць пра арыштаваных святароў, піша Katolik.life.

Айцец Павел Лемех

Калі святара не вызвалілі ў суботу, вернікі зразумелі, што яго перазатрымалі паводле новага абвінавачвання і чакалі суда ў панядзелак. Аднак, мяркуючы па ўсім, працэс адбыўся ў аўторак.

У ізалятары часовага ўтрымання ў Віцебску, дзе з 8 траўня знаходзіцца святар, удзень 21 траўня адказвалі, што «на гэты момант ён адсутнічае», адмовіўшыся растлумачыць, з якой прычыны. Відавочна, у той час над ім ішоў новы суд. Увечары ў ізалятары таксама адмовіліся паведаміць, ці знаходзіцца тут айцец Павел.

Рашэнне другога суда, як і сутнасць абвінавачванняў, пакуль невядомыя. У электронным раскладзе судоў працэс не быў пазначаны.

Айца Паўла Лемеха затрымалі разам з іншым святаром — айцом Анджэем Юхневічам, які таксама служыць у Шуміліне. Айцу Анджэю прысудзілі 15 сутак арышту — гэты тэрмін заканчваецца 23 траўня. Акрамя таго, судзілі адну з парафіянак — за падпіску ў сацсетцы на старонку, абвешчанай «экстрэмісцкай», яе пакаралі штрафам.

@nashanivanews Азаронка паслалі на тры літары, але сконяылася гэта кепска #беларусь #азаренок #беларускітыкток #беларускаямова #нашаніва ♬ Crime Scene - Avery Alexander

Каментары да артыкула