Каля Ружан зашугаў лясны пажар па тэрыторыі вайсковага палігона
Паблізу гарадскога пасёлка Ружаны ў Брэсцкай вобласці пачаўся лясны пажар, паведамляе прэс-служба МНС.
Для тушэння пажару задзейнічалі наземную тэхніку і авіяцыю МНС.
Верталёт Мі-2 вядзе паветранае патруляванне і маніторынг абстаноўкі з паветра, а на зямлі тым часам працуюць 10 адзінак тэхнікі ратавальнікаў.
Афіцыйныя крыніцы, аднак, не ўдакладняюць, што пажар, які ўзнік сёння каля 18:00, адбываецца на тэрыторыі 210-га авіяцыйнага палігона ВПС і войскаў СПА.
Паводле інфармацыі маніторынгавай групы «Беларускі Гаюн», сёння на гэтым палігоне праводзілі заняткі лётчыкі 50-й САБ з Мачулішчаў і 116-авіябазы з Ліды.
Чытайце таксама:
У мінскай кватэры раніцай загарэўся самакат
Сілавікі з трох усходніх абласцей ужо памаліліся перад капсулай з зямлёй. Іншыя на чарзе