Пад Мінскам з'явяцца гатэлі для насякомых
Да канца года пад Мінскам з'явяцца гатэлі для насякомых. Яны будуць падобныя да іх натуральнага жытла. Праект рэалізуе забудоўшчык «А-100 Дэвелапмент» у квартале «Зялёная Гавань».
Так будуць выглядаць гатэлі для насякомых. Фота: «А-100 Дэвелапмент»
Гатэлі для насякомых стануць домам для божых каровак, зялёных залатовачак або вос-наезніц, якія знішчаюць тлю і іншых шкоднікаў.
Гэтыя гатэлі ўяўляюць сабой невялікія хаткі вышынёй да метра. Казуркі змогуць іх выкарыстоўваць у якасці гнёздаў і месца зімоўкі. Хаткі паставяць на бяспечнай адлегласці ад жылых дамоў. Побач з гатэлямі паставяць лаўку для назіранняў.
Распрацоўшчыкі праекта адзначаюць, што за 30 гадоў папуляцыі некаторых насякомых моцна скараціліся. Асабліва гэта характэрна для гарадоў і жылых комплексаў у прыгарадзе.
Пры гэтым казуркі — частка экасістэмы. Важна не забываць пра іх у працэсе ўзвядзення жылых кварталаў.
Чытайце таксама:
Жыхарка Гомеля паказала нашэсце мошак у сваім доме. Мёртвых насякомых прыйшлося вымятаць увесь дзень
Чаму ў беларускіх лясах стала так шмат кляшчоў? Асноўныя прычыны дзве
Навукоўцы ператварылі жывых прусакоў у групу міні-кібаргаў
Што будзе, калі вас раптам укусіць здаравенны павук, які бегаў па вуліцах Магілёва?