У Беларусь ляціць прэм'ер-міністр Расіі
3.06.2024 / 9:33
Наведае Мішусцін і некалькі мерапрыемстваў.
Міхаіл Мішусцін і Раман Галоўчанка. Фота: урад Беларусі
«3-4 чэрвеня 2024 года старшыня ўрада РФ Міхаіл Мішусцін наведае з рабочым візітам Беларусь і возьме ўдзел у пасяджэнні Еўразійскага міжурадавага савета», — гаворыцца ў паведамленні ўрада Расіі.
У прэс-службе ўдакладнілі, што на пасяджэнні плануецца абмеркаваць шырокае кола пытанняў паглыблення Еўразійскай эканамічнай інтэграцыі. Акрамя гэтага, асаблівая ўвага будзе нададзена транспартнай інфраструктуры, мытна-тарыфнаму рэгуляванню і кліматычнаму парадку дня.
Па выніках гэтага мерапрыемства будзе падпісаны цэлы шэраг шматбаковых дакументаў.
Акрамя таго, Мішусцін наведае Міжнародную спецыялізаваную выставу «Белагра-2024» у Мінску і выступіць на пленарнай сесіі «Харчовая бяспека Еўразійскага эканамічнага саюза».
У Беларусі 3—4 чэрвеня пройдзе пасяджэнне Еўразійскага міжурадавага савета, піша «Спутнік».