Беларуска атрымала прэстыжную іспанскую прэмію за кнігу пра Чарнобыль
Беларуска-аргенцінская пісьменніца Наталля Літвінава, якая з'ехала яшчэ дзіцем са сваёй сям'ёй з Гомеля ў Аргенціну, атрымала прэстыжную прэмію Lumen de Novela за зборнік вершаў «Светлячок». Тэмай кнігі сталі «ўцёкі ад радыяцыі», піша Reform.news.
Наталля Літвінава. Фота з сацсетак
Літвінава жыве ў Аргенціне з 1996 года. Кніга «Светлячок» напісаная на іспанскай мове — гэта адна з умоў атрымання прэміі. У конкурсе прымаюць удзел выданні іспанамоўных аўтараў у тым ліку з Лацінскай Амерыкі.
У кнізе беларускі расказваецца пра жыццё сям'і Літвінавай — маленькай дзяўчынкі і яе мамы, — якія пасля аварыі на Чарнобыльскай АЭС беглі «ад радыяцыі» і беднасці.
Як адзначае іспанскае выданне El País, аўтарка выкарыстала пры стварэнні вершаў запіскі маці, якія яна вяла падчас ад'езду з Беларусі. Выданне таксама адзначае, што прэмія Lumen de Novela складае 30 000 еўра.
Чытайце таксама:
Выйшла новая кніга вершаў Віктара Жыбуля
Акадэмія навук збірае перадзамовы на дзве кнігі па гісторыі беларускай мовы