Зорка «Піратаў Карыбскага мора» загінуў ад нападу акулы

Галівудскі акцёр Тамаё Пэры, вядомы па фільме «Піраты Карыбскага мора», загінуў падчас серфінгу на Гаваях пасля таго, як на яго напала акула.

Прадстаўнікі службы выратавання Ганалулу пацвердзілі на прэс-канферэнцыі, што 49-гадовы акцёр памёр у нядзелю днём, піша BBC. 

Службы выратавання былі выкліканыя на пляж каля 13:00 па мясцовым часе. 

Акцёр, які і сам быў выратавальнікам, быў дастаўлены на бераг на гідрацыкле, аднак парамедыкі ўжо нічым не маглі яму дапамагчы. 

Пэры здымаўся ў карціне «Піраты Карыбскага мора: На дзіўных берагах», чацвёртым фільме франшызы.

Ён таксама здымаўся ў серыялах Lost, Hawaii Five-0 і Blue Crush.

Кіраўнік службы акіянічнай бяспекі Ганалулу Курт Лагер сказаў, што Пэры быў выратавальнікам, якога любілі ўсе.

Каментары да артыкула