У Беларусі хочуць увесці электронны пашпарт для ўсіх аўтамабіляў
Па стане на сённяшні дзень у Беларусі электронны пашпарт патрэбны для аўто, увезеных у краіну з-за мяжы і пастаўленых на ўлік. Але ў будучыні такі дакумент плануюць увесці для ўсіх машын, паведамілі ў ДАІ.
Сістэма электронных пашпартоў дзейнічае на тэрыторыі ўсяго ЕАЭС. Гэта такая агульная база транспартных сродкаў.
Як запэўнілі ў ДАІ, электронны пашпарт адрозніваецца ад папяровага тым, што яго складаней падрабіць.
Займацца афармленнем новых пашпартоў будзе «Белтэхагляд».