Прэзідэнт Зімбабвэ не будзе балатавацца на трэці тэрмін
Эмерсан Мнангагва заявіў, што не збіраецца вылучаць сваю кандыдатуру, а будзе прытрымлівацца абмежавання ў два тэрміны, закладзенага ў Канстытуцыю
Лукашэнка і Эмерсан Мнангагва. Фота: president.gov.by
«Я адслужыў свой першы тэрмін, і ён скончыўся, затым мы пайшлі ў Кангрэс, і вы выбралі мяне прэзідэнтам на новы тэрмін, так што цяпер ідзе мой апошні пяцігадовы тэрмін», — піша тамтэйшае выданне The Herald.
Мнангагва дадаў, што пасля заканчэння тэрміну ён сыдзе на пенсію, прычым пакіне і пасаду лідара партыі «Зімбабвійскі афрыканскі нацыянальны саюз — Патрыятычны фронт».
Эмерсан Мнангагва (яму ў верасні споўніцца 82 гады) з'яўляецца трэцім прэзідэнтам у гісторыі краіны. Ён кіруе краінай з 2017 года.
Першым прэзідэнтам Зімбабвэ быў у 1980-1987 гадах быў Канаан Банана, асуджаны ў 1998-м за сэксуальны гвалт і садамію на дзевяць гадоў умоўнага тэрміну і шэсць месяцаў рэальнага. З 1987 па 2017 год цягам трыццаці гадоў краінай кіраваў Роберт Мугабэ, якога скінулі ў выніку вайсковага перавароту.