«Новым сюрпрызам» ад Орбана, падобна, стане Кітай
Прэм'ер Венгрыі Віктар Орбан раней анансаваў замежную паездку, але не называў лакацыю. Абяцаў толькі болей «нечаканых сустрэч».
Прэм'ер-міністр Венгрыі Віктар Орбан. Фота: AP
Журналісты венгерскага партала 444.hu адсачылі па радарах шлях урадавага самалёта Dassault Falcon 7X. Ёсць высокая імавернасць, што на ім Віктар Орбан ляціць у Кітай — гэты борт ён звычайна выкарыстоўвае для замежных візітаў.
«Паводле нашай інфармацыі, пасля паездак у Кіеў, Маскву і Азербайджан Віктар Орбан накіроўваецца ў Кітай», — піша выданне.
Борт павінен прызямліцца раніцай панядзелка па мясцовым часе.
Нагадаем, нядаўна Орбан лятаў у Маскву і сустракаўся з Пуціным.