Будаўнікі паказалі школу ў Лебядзіным. Як яна выглядае

Гэтая школа ў Лебядзіным разлічана на 1020 дзяцей. Што яшчэ засталося дарабіць у школе да адкрыцця, распавялі ў тэлеграм-канале «Мінскбуд».

 Усе фота: Мінскбуд

— Школа ў Лебядзіным на нізкім старце — гэта прыкметна. Хоць і трэба яшчэ дамасціць плітку на прылеглай да будынка тэрыторыі, змантаваць агароджу спортпляцовак і крылцаў, дадаць малых архітэктурных формаў. Але ўжо не глабальна, — распавядаюць у «Мінскбуд».

Як толькі будзе зручнае надворʼе, будаўнікі зоймуцца пакрыццём бегавых дарожак і спартыўных пляцовак.

У актавай зале завяршаюць укладваць паркет, а ў спартзалах на гэтым тыдні плануюць мантаваць снарады. Басейны ўжо гатовы да запаўнення вадой. 

Мэбля ў класах расстаўлена. Абсталяванне ў харчаблоку гатова да падключэння. 

Пакуль дату адкрыцця ў «Мінскстроі» не называюць, але відавочна, што да пачатку навучальнага года школу адкрыюць.

Каментары да артыкула