Лукашэнка заявіў пра «ліквідацыю напружанасці на мяжы з Украінай» і выступіў з прымірэнчымі заявамі: «Трэба дамаўляцца»

«Пасля нашай пэўнай працы ўкраінцы свае ўзброеныя сілы і дадатковыя войскі, якія яны перакінулі да нашай мяжы, ад мяжы адвялі і наогул вывелі з зоны беларуска-ўкраінскай мяжы», перадае яго словы агенцтва БелТА.

«Цяпер у нас ускладненняў ніякіх няма з украінцамі, і я спадзяюся, што і не будзе», — дадаў Аляксандр Лукашэнка.

Лукашэнка даручыў адвесці войскі на паўднёвых рубяжах у месцы пастаяннай дыслакацыі. «Не павінна быць ніякіх лішніх мер», — загадаў ён.

Беларускія сілы спецаперацый і СПА былі перакінутыя на мяжу з Украінай у канцы чэрвеня. Гэта суправаджалася чарговай антыўкраінскай кампаніяй у дзяржаўных медыя.

У цэлым тон заяў Аляксандра Лукашэнкі быў прымірэнчы. «Трэба дамаўляцца», — цытуюць яго дзяржаўныя СМІ ў кантэксце неабходнасці Расеі і Украіне дасягнуць міру.

Каментары да артыкула