Украінскі палітолаг у трох словах патлумачыў, якімі бачыць беларусаў
Дырэктар украінскага Інстытута сусветнай палітыкі Яўген Магда даў сваё азначэнне беларускай ідэнтычнасці.
Пра гэта ён расказаў на канферэнцыі «Новая Беларусь».
Яўген Магда звярнуў увагу, што трыяда «Армія, мова, вера», якая была ва Украіне пасля «Рэвалюцыі годнасці» 2014 года, шмат у чым дапамагла ў 2022-м у змаганні з расійскай агрэсіяй.
Палітолаг выказаў думку, што беларусам, якія знаходзяцца на этапе фарміравання палітычнай нацыі, таксама неабходна шукаць тое, што іх найбольш вызначае. Сам жа ён для нас бачыць трыяду: «Мір, Еўропа, веды».
Гэта значыць, што беларусаў могуць успрымаць як мірных, адукаваных еўрапейцаў.
Яўген Магда. Фота: асабісты альбом Яўгена Магды
«Я спадзяюся, што Украіна і Беларусь будуць здольныя не заставацца часткай «трыадзінага славянскага народа», а стаць здвоеным, як у баскетболе, антыімперскім цэнтрам», — заўважыў Магда.
Ён бачыць дзве мэтавыя аўдыторыі, якія могуць быць агентамі перамен у нашай краіне — гэта моладзь і сярэдні клас.
Чытайце таксама:
Беларускую палітыку ва Украіне фармуе дарадца без палітычнай адказнасці — украінскі палітолаг
Як Украіна вызваляе з Беларусі сваіх. Тлумачэнне ўкраінскага эксперта
Выйшла грунтоўнае выданне «Бел-чырвона-белы. Сцяг — нацыя — ідэнтычнасць»