Мінчук скраў ровар — аказалася, ён належыць яго брату
Ровар хацеў прадаць, але потым перадумаў.
Аднойчы вечарам 29-гадовы мінчанін вырашыў зайсці ў госці да бацькоў. Тых дома не аказалася, але мужчына вырашыў не сыходзіць з пустымі рукамі.
Ён заўважыў у тамбуры ровар коштам 500 рублёў і забраў яго з сабой. Мінчук хацеў прадаць скрадзены транспарт, але потым перадумаў і пакінуў ровар у лесапаласе недалёка ад дома бацькоў.
Як аказалася, мужчына абакраў уласнага зводнага брата.
Усё высветлілася, калі ўладальнік ровара напісаў заяву ў міліцыю, і злодзея вылічылі па камерах. Цяпер у дачыненні да мужчыны заведзена крымінальная справа за крадзеж.