Каля райцэнтра Коранева разбілі яшчэ адну вялікую калону расійскай тэхнікі — Z-блогеры
Тыдзень таму ўвесь свет быў уражаны знішчэннем калоны каля пасёлка Акцябрскае пад Рыльскам. Тады, як мяркуецца, загінулі сотні расійскіх вайскоўцаў.
Ілюстрацыйнае ранейшае фота
Украінскія вайскоўцы змаглі разграміць калону расійскай тэхнікі каля райцэнтра Коранева Курскай вобласці. Пра гэта ад раніцы 16 жніўня з абурэннем расказваюць Z-ваенкоры:
- «Пад Кораневам здарылася роўна тое самае, што пад Рыльскам. Няма на вайне горш бяды, чым ідыёт у камандзірах. Вораг памылак не даруе».
- «16.08.2024. Раён Коранева, Курская вобласць, Расія. **** аватары так і адвучыліся вадзіць калоны…».
Фота– і відэапацверджанняў знішчэння калоны пакуль няма.
У ноч на 9 жніўня стала вядома пра разгром калоны расійскай тэхнікі каля пасёлка Акцябрскае пад Рыльскам Курскай вобласці. Тады ўкраінцы знішчылі каля 15 грузавікоў з вайскоўцамі.