Пасля арышту Дурава папулярнасць Telegram у свеце істотна вырасла
У самой Францыі, дзе затрымалі бізнэсмена, месенджар заняў першае месца па колькасці спамповак.
Фота: «Наша Ніва»
Затрыманне Паўла Дурава моцна спрыяе росту папулярнасці Telegram: за некалькі дзён месенджар заняў другое месца па спампоўваннях сярод усіх сацсетак у краме AppStore у ЗША. А ў Францыі — увогуле стаў самым папулярных і ўвайшоў у топ-3 самых лепшых дадаткаў краіны па ўсіх катэгорыях, паведамляе буйны партал TechCrunch.
Паводле парталу, глабальныя загрузкі Telegram на iOS павялічыліся на 4%. Асноўнай прычынай ажыятажу называецца ўсплеск цікаўнасці да асобы Паўла Дурава і ягоных выказванняў пра «свабоду слова» ў месенджары, якія распаўсюдзілі сусветныя медыя на фоне арышту прадпрымальніка.
TechCrunch прагназуе, што неўзабаве хваля папулярнасці тэмы арышту Дурава спадзе, як і рэзкі ўзрост паказчыкаў Telegram.
Нагадаем, што Павел Дураў быў затрыманы французскімі спецслужбамі ў аэрапорце Парыжа ў суботу. Бізнэсмену выставілі падазрэнне ў датычнасці да 12 сур'ёзных злачынстваў.
Чытайце таксама:
Telegram выступіў з афіцыйнай заявай наконт затрымання Дурава
«Гэта ні ў якім разе не палітычнае рашэнне». Макрон пракаментаваў затрыманне Паўла Дурава
Пакуль Дураў сядзіць, на яго выказала прэтэнзіі венгерская анліфаншчыца Дыяна