У Брэсце за «шпіянаж» асудзілі грамадзяніна Расіі

Дзмітрый Шлэтгаўэр, якога некалькі месяцаў таму асудзілі ў Брэсце за «шпіянаж», з'яўляецца грамадзянінам Расіі. Ён ураджэнец Слаўгарада, што ў Алтайскім краі, а з 2018 года ў яго ёсць беларускі ДНЖ, паведамілі «Медыязоне» ў арганізацыі Belpol. 

Дзмітрый Шлэтгаўэр працаваў у Камянцы на прадпрыемстве па вытворчасці палімернай прадукцыі і ўпакоўкі.

Як паведамлялася раней, некалькі месяцаў таму ў Брэсцкім абласным яго асудзілі па артыкулах «садзейнічанне экстрэмісцкай дзейнасці» (ч. 1 арт. 361-4 КК) і «шпіянаж» (арт. 358 КК).

Прысуд Шлэтгаўэру невядомы, але санкцыя апошняга артыкула прадугледжвае ад 7 да 15 гадоў зняволення.

Каментары да артыкула