Ультраправая партыя «Альтэрнатыва для Германіі» ўпершыню лідзіруе на рэгіянальных выбарах
Ультраправая партыя «Альтэрнатыва для Германіі» лідзіруе на выбарах у парламент усходняй зямлі Цюрынгія, сведчаць папярэднія даныя экзітполаў.
Вынікі рэгіянальных выбараў для партыі «Альтэрнатыва для Германіі». Фота: AfD
Паводле апытанняў вяшчальнай кампаніі ARD, апублікаваных пасля закрыцця выбарчых участкаў, АдГ набірае 30,5% галасоў, апярэджваючы кансерватыўны Хрысціянска-дэмакратычны саюз (ХДС) на шэсць пунктаў.
Калі лічбы пацвердзяцца, гэта будзе першая перамога ультраправых на мясцовых выбарах з Другой сусветнай вайны, адзначае Бі-бі-сі.
У Саксоніі «Альтэрнатыва для Германіі», паводле папярэдніх звестак, трохі адстае ад ХДС.
Па даных экзітпола ARD, там ХДС набірае 31,5% галасоў, АдГ — 30%.