Лось з'явіўся проста з ніадкуль. Беларус паказаў жудаснае відэа сутыкнення свайго аўто з жывёлай
Мужчына цудам выжыў дзякуючы рэзкаму манеўру ў апошні момант.
Беларус на Škoda сутыкнуўся з ласём на дарозе з Фаніпаля ў Мінск раніцай 9 верасня.
Лось выскачыў на дарогу зусім раптоўна. Мужчына разумеў, што сутыкненне непазбежнае, і ў апошні момант паспеў рэзка вывярнуць руль направа і легчы на каробку перадач, піша Onliner.
Вадзіцель лічыць, што такі манеўр выратаваў яму жыццё. Лось жа загінуў на месцы.
«Я ў поўным парадку, дзякуй моцнай машыне. Падчас удару я ў апошні момант вільнуў направа і лёг на каробку. Разбіў крыху галаву. Інспектары і старшыня Шчомыслінскага сельсавета распавялі, што гэта ўжо чацвёрты выпадак за няпоўны месяц на гэтым участку дарогі», — распавёў вадзіцель.
Фота: Onliner
Машына сур'ёзна пацярпела — трэснула лабавое шкло, дах і капот аказаліся ўвагнутыя, але сам вадзіцель абышоўся нязначнымі траўмамі.
Чытайце таксама:
Беларусаў папрасілі не сігналіць, калі пабачыш лася на дарозе
У Гарадоцкім раёне матацыкліст сутыкнуўся з ласём і загінуў
У Жыткавіцкім раёне жанчына з дзіцем трапілі ў рэанімацыю пасля сустрэчы з ласём