Суд у «ДНР» завочна прысудзіў беларускага добраахвотніка Яна Дзюрбейку да 14 гадоў калоніі
Яна прызналі вінаватым у наёмніцтве.
Ян Дзюрбейка
Суд у Данецку прысудзіў да 14 гадоў калоніі завочна палоннага байца з палка Каліноўскага Яна Дзюрбейкі.
Дзюрбейку прызналі вінаватым у наёмніцтве (частка 3 артыкула 359 КК РФ). Добраахвотнік браў удзел у баявых дзеяннях на баку Украіны з лютага па ліпень 2022 года.
Дзюрбейка трапіў у палон падчас бою ў Лісічанску 26 чэрвеня 2022 года. Разам з ім у палоне аказаўся Сяргей Дзёгцеў. Дзе яны ўтрымліваюцца і што з імі цяпер, невядома.