Наста Кудасава. Цяжка ўтрымаць гэты свет на плячах — нават волатам. Верш
Наста Кудасава апублікавала ў сваім фэйсбуку новы верш.
Наста Кудасава. Фота: Дар'і Роскач
Цяжка ўтрымаць гэты свет на плячах — нават волатам
Тут хоць маленькі свой лёс паспрабуй данясі…
Верасень б’е капытком і бясконцае золата
Сыпле на вуліцы… Хопіць нарэшце на ўсіх!
Хопіць на кожнага гэтае крохкасці горкае…
Памяць сціскае ў кішэні каштан-маячок.
Вецер нябачны спагадліва золатам шорхае,
Верасень — цёплы алень — ліжа соль з маіх шчок.