Wyborcza паведамляе пра вобшук у Агнешкі Рамашэўскай — сама яна гэта адмаўляе
У сераду раніцай агенты Цэнтральнага антыкарупцыйнага бюро Польшчы ўвайшлі ў будынак TVP у Варшаве. Гаворка ідзе пра расследаванне злоўжыванняў на «Белсаце», піша Wyborcza.
Таксама Wyborcza паведаміла, што Цэнтральнае антыкарупцыйнае бюро абшуквае кватэру экс-кіраўнічкі «Белсата» Агнешкі Рамашэўскай.
Сама яна ў твітары рашуча гэта адмаўляе: ніякага вобшуку ў яе няма.
Ператрус у рэдакцыі «Белсата» звязаны са «злоўжываннямі, звязаныя з плацяжамі за ІТ-абслугоўванне», паведамляе Wyborcza.