Цягнік Мінск — Гомель прыбыў на канцавую станцыю са спазненнем на чатыры з паловай гадзіны

Прычынай спынення цягніка быў абрыў кантактнай сеткі.

Фота: Onliner.by

Пасажырскі цягнік Мінск — Гомель па тэхнічных прычынах прыбыў на канцавую станцыю са спазненнем на 4 гадзіны 28 хвілін, паведамілі ў прэс-службе Беларускай чыгункі.

Састаў адправіўся з Мінска ў пятніцу ў 17:24, аднак на перагоне Пухавічы — Талька (недалёка ад Асіповічаў) ён спыніўся. Як стала вядома пазней, знікла напружанне — абарвалася кантактная сетка.

Работы па аднаўленні электрыфікаванага ўчастка занялі некаторы час. Праз гэта шэраг іншых цягнікоў, якія ішлі ў напрамку Гомеля, адсталі ад графіку.

На канцавую станцыю сталічны цягнік прыбыў а другой гадзіне ночы.

У БЧ адзначылі, што Беларуская чыгунка сумесна з Гомельскім гарвыканкамам арганізоўвалі падвоз пасажыраў гэтага цягніка аўтатранспартам да месцаў пражывання.

Каментары да артыкула