У класных журналах будуць звесткі аб месцы працы бацькоў
Таксама фармулёўка «законныя прадстаўнікі» будзе заменена словам «бацькі».
Гэта прадугледжана пастановай Мінадукацыі ад 21 лістапада, якая апублікавана на Нацыянальным прававым партале. Пастанова ўступіць у сілу з 1 верасня 2025 года.
Дакумент уносіць адпаведнае змяненне ў раздзел, які мае назву «Агульныя звесткі пра вучняў».
Раней тут указваліся нумар асабістай карткі, прозвішча, імя і дата нараджэння вучня, а таксама прозвішча, імя, месца жыхарства (знаходжання) і тэлефон яго законных прадстаўнікоў.
Таксама фармулёўка «законныя прадстаўнікі» будзе заменена словам «бацькі». Апроч таго, дадасца пазіцыя «род заняткаў, месца працы бацькоў вучня».