МЗС рэкамендуе ўстрымацца ад паездак у Сірыю
МЗС Беларусі пацвердзіў ранейшую рэкамендацыю для беларусаў устрымацца ад паездак у Сірыю «ў сувязі з абвастрэннем ваенна-палітычнай сітуацыі».
Сірыйскія паўстанцы пазіруюць на борце захопленай бронетэхнікі на ўскраіне горада Хама. 3 снежня 2024 года. Фота: AP Photo/Ghaith Alsayed
«Беларусам, якія жывуць або знаходзяцца цяпер на тэрыторыі Сірыі, рэкамендуем неадкладна пакінуць краіну. Неабходна выконваць правілы асабістай бяспекі, няўхільна прытрымлівацца рэкамендацый мясцовых уладаў, а таксама заставацца ў кантакце з беларускімі дыпламатамі ў Сірыі», — гаворыцца ў паведамленні МЗС.
Апошні тыдзень у Сірыі адбываецца паспяховы наступ апазіцыйных мясцоваму рэжыму Башара Асада сілаў. Сёння сірыйская армія пацвердзіла, што сілы паўстанцаў пасля інтэнсіўных баёў увайшлі ў пяты па велічыні горад краіны Хаму. Раней пад іх кантроль перайшоў найбуйнейшы сірыйскі горад Алепа на поўначы краіны.
Чытайце таксама:
Паўстанцы ў Сірыі занялі пяты па велічыні горад краіны і вызвалілі палітзняволеных з гарадской турмы
Як сірыйскія паўстанцы сталі дзейснай арміяй і як яны паставілі на паток выраб дронаў
Войскі Асада ў Сірыі працягваюць адступаць
Расійскія вайсковыя караблі пакінулі базу ў сірыйскім Тартусе