Бондарава хоча ўмяшацца і ў медыцыну — забараніць аборты і замарозку яйцаклетак
Цяпер у Беларусі ідзе грамадскае абмеркаванне праекта Кодэкса аб ахове здароўя. І тут не абышлося без даносчыцы Вольгі Бондаравай.
Вольга Бондарава. Фота: сацсеткі прарасійскай актывісткі
Асабліва прарасійскую актывістку абурыў раздзел пра аборты і дапаможныя тэхналогіі ў дзетанараджэнні.
Яна патрабуе зрабіць аборты платнымі, забараніць сурагатнае мацярынства, замарозку яйцаклетак, ЭКА з донарскімі яйцаклеткамі і спермай.
Што яшчэ хоча даносчыца? Сярод пунктаў:
- забараніць аперацыі па змене пола;
- не абавязваць пацыента выконваць рэкамендацыі доктара (таму што медыкі не застрахаваны ад памылак);
- забараніць выкарыстоўваць біяметрыячныя тэхналогіі для ідэантыфікацыі пацыентаў.
«Агулам, палажэнні праекта кодэкса не адпавядаюць інтарэсам шырокіх слаёў насельніцтва РБ і фактычна робяць прывілеяваным класам дактароў і медыцынскіх работнікаў у адносінах да астатніх груп насельніцтва РБ», — абураецца Бондарава ў сваім тэлеграм-канале.
Грамадскае абмеркаванне праекта кодэкса працягнецца да 1 лютага 2025 года. Азнаёміцца з дакументам, каментарамі да яго і пакінуць прапановы можна тут.
Чытайце таксама:
Палата прадстаўнікоў прыслала Бондаравай адпіску па справе Марзалюка і «швалі» з Гродна