У Бярозе на прадпрыемстве разарваўся ацяпляльны кацёл
Інфармацыя пра надзвычайнае здарэнне з цвёрдапаліўным ацяпляльным катлом у прыбудаванай да вытворчага будынка кацельні на вуліцы Свярдлова ў Бярозе паступіла ўчора ў 13:27. У выніку інцыдэнту ёсць пацярпелы, паведаміла прэс-служба МНС.
Фота ілюстрацыйнае
У выніку разрыву пашкоджаныя сам кацёл, аконны праём, маюцца скразныя расколіны ў вонкавай жалезабетоннай сцяне кацельні.
Адзін мужчына атрымаў апёкі і рану ад удара левай нагі. Ён шпіталізаваны.
Праца прадпрыемства не парушаная. Прычына здарэння высвятляецца.