Міліцыя будзе ўзмоцнена правяраць вакзалы і цягнікі
Беларуская чыгунка абвясціла пра сумесныя рэйды з міліцыяй на вакзалах, станцыях і ў цягніках.
Мерапрыемствы пройдуць з 13 па 24 снежня. Супрацоўнікі БЧ і міліцыя нададуць асаблівую ўвагу дзецям і падлеткам, якіх заўважаць без нагляду дарослых каля чыгуначных аб'ектаў.
Правілы паводзін на чыгунцы
- Перавозчык заклікае беларусаў не пакідаць сваіх дзяцей без нагляду і нагадвае правілы паводзін на чыгуначных шляхах:
- перасякаць іх можна толькі ў спецыяльна абсталяваных месцах
- пры пераходзе неабходна пераканацца ў адсутнасці цягніка
- варта звяртаць увагу на папераджальныя знакі
- не размаўляць па мабільным тэлефоне і не слухаць музыку ў слухаўках.